Објаснување за темата:
Еко дизајнот може да се опише како интегрална проектна активност во која
фокусот е дизајнер / инженер кој при донесувањето на одлуките за дизајн е главно
воден од последиците врз животната средина, при што ги зема предвид сите фази
на животниот циклус: од екстракција на суровини до моментот на отстранување на
производот.
Преку примената на еко-дизајн, тој може да го ограничи влијанието на производот врз животната средина, за целиот животен циклус на производот. Практичниот еко- дизајн има за цел подобрување на производот за да се одреди животниот циклус за
заштеда на енергија, отпад, зрачење и токсини. Сепак, одржливиот дизајн на
производи мора да вклучува концепти за еколошки услуги, како што се користење
поврзани производи, закуп на амбиент и споделување, при што не треба да се
запостават етичките и социјалните прашања кои се јавуваат во процесот на одржлив
дизајн.
Преку модулот “Еко дизајн“, се доближуваат основните познавања за: поим и
принципи на еко дизајнот, анализа на животниот циклус на материјалите и нивното
влијание врз животната средина, како и препознавања на основните еко својства на
материјалите во производството.
Модулот нуди:
- Статија
- Вовед
- Презентации преку кои се поедноставува начинот на предавање илустрирани со фотографии, графикони и слично;
- Видеа- преку кои на интерактивен начин се пренесуваат значајни информации за зададената тема;
- Aктивности и алатки кои се наменети за во училишна средина, меѓутоа и за онлјан платформа. Истите се развиени со цел практично доловување на споделените материјали, препознавање на еколошко дизајнирани продукти, како и потикнување на самостојано развивање на концепти за нивна реализација;
- Предлог ресурси за понатамошно истражување;
- Вежби како квизови за проверка на стекнатото знаење;
- Предлог ресурси за понатамошно истражување.
Доколку сакате да се запознаете со темата, но да не реализирате активност или вежба, вие може да ја следи презентацијата и/или да ги погледнете видеата. Доколку сакате да реализирате активност, во неа се вградени видеото и презентацијата, поради поедноставната имплементација и приближување на темата.
Модулот можете да го реализирате доколку сте едукатор/наставник со вашите
целни групи, но и поединечно доколку сте заинтересирани за темата, со тоа што ќе
имате посебен дел во опис на активностите „За корисникот/заинтересираните
учесници“
Цел на модулот:
Целта на модулот е да се едуцираат младите во однос на следните точки:
Запознавање со поимот и потребата од еко дизајн;
Aнализата за животниот век на материјалите и нивното влијание врз околината –
клучни карактеристики и чекори;
Учење за основните алатки за анализа на животниот век на материјалите;
Eко-својства на материјалите во производството;
Примена на еко- податоци;
Препознавање на основните принципи и фази на еко дизајн (на пример, рамка на
ресурси – производство – дизајн – потрошувач)
Истовремено, преку имплементација на активностите во рамки на модулот се:
Развива дискусија за влијанието на одредени производи врз животната средина
Поттикнуваат истражувачките вештини и препознавање на клучните компетенции и
карактеристики на еко-дизајнираните производи
Поттикнува претприемачкиот дух во насока на креирање на еко дизајнирани
продукти
Развивање на дискусија и истовремено вештини за концепирање на еко дизајнирани
продукти
Зошто е важнa темата за заедницата?
Бидејќи климатските промени се проблем што не поминува, никогаш немало
поважно време колективно да станеме посвесни за тоа како ние – како индивидуи,
корпорации и бизниси – влијаеме на планетата. Нови компании се појавуваат
насекаде за да обезбедат лесни и достапни опции за користење помалку пластика,
рециклирана амбалажа, одржливи производи, органска храна и кој било број на
начини да се направат здрави избори.
Еко-дизајнот е основ на циркуларната економија, чијашто стратегија е да им даде
на производите неопределен век во затворен круг, без отпад. Дизајнот со
одржливи материјали значи дека добрата во циркуларната економија го
достигнуваат крајот на својот корисен век во соодветна состојба за да бидат
ставени во нови употреби, за разлика од линерната економија.
Купувањето еколошки производ чини помалку од набавката на нормален. На овој
начин парите се трошат на ефикасен начин.
Истовремено, претставува ветување за поздрав начин на живот во однос на
смртноста, возраста, болестите, како и подобрување на животната средина.
Главниот аспект на одржување на еколошко пријателство е одржливоста. Бидејќи
светот е корумпиран со загадување и производство на токсична количина на
материјали, неговата одржливост може да биде добар предизивик.
Клучни зборови за модулот:
Oдржливо производство – sustainable production
Одржлив дизајн – sustainable design
Еко дизајн – eco design
Дизајн на производ – product design
Економски – economically
Функционален – functional
Естетски – aesthetic
Безбеден – safe
Животна средина – environment
Социјален- етички – social-ethical
Производство- потрошувачка
Еко податоци- еco data
Поврзаноста на социјалното претприемништво со зголемување на свесноста за климатски промени
Еко-дизајнот е составен дел од стратегијата за општествена одговорност на
одредени компании. Со цел да се намали нивното влијание врз животната средина,
многу компании спроведуваат еко-дизајн приоди за да понудат позелени
производи. Еко-дизајнот е поврзан и со практики за биомимика – одлична
филозофија за дизајн која е инспирирана од имитирање на природата.
Ова означува производна перспектива која се состои од интеграција на
критериумите за заштита на животната средина во секоја фаза: од зачнување до
развој, од транспорт до рециклирање.
Имаме добри причини за подобро и поефикасно производство: суровините и
природните ресурси се конечни и, ако не бидеме внимателни, ќе останаме без нив.
Некои, како водата, се витални извори на живот, додека минералите се од
суштинско значење за клучните сектори на економијата, како и технолошката
индустрија. Затоа цената што ја плаќа планетата е неодржлива.
Еколошките придобивки од одржливото производство влијаат и на индустријата
и на општеството. Обединетите нации го застапуваат овој систем како средство за
подобрување на квалитетот на животот на милиони луѓе, ублажување на
сиромаштијата, зајакнување на конкурентноста и пониски економски, еколошки и
социјални трошоци.
